港媽帶5歲兒子排隊搭巴士　離隊10分鐘後返轉頭打尖發爛渣：我頭先排呢度

大家都知乘搭交通工具要排隊，但有一名港媽日前帶年約5歲的兒子在巴士站等巴士時，兩人排了一會便離隊，惟約10分鐘後若無其事般返回原位打尖，該名港媽被乘客要求重新排隊時更大發爛渣。

一名網民日前在facebook群組「西客之道 HIspitality Secret」投稿，稱在巴士總站等巴士時，遇到一名港媽帶着年約4至5歲的兒子排於其身後，男童排隊期間跳來跳去撞到後面等車的乘客，惟港媽並無理會。

樓主稱，該名港媽和其兒子「排排下就走開咗」，約10分鐘後竟若無其事返回剛才排隊的原位，並插隊站於樓主前面。

佢地排排下就走開咗，過咗十分鐘之後返嚟插隊插咗係我前面。（後面都有十幾個人排緊隊）

樓主見狀詢問該名港媽是否排隊，並告知隊尾在後面；豈料港媽即發難，

咩呀！我頭先排呢度㗎！咩規矩呀……

港媽之後帶兒子排在樓主後面插隊，而該名男童繼續周圍踢，後面的乘客都餓被港媽行為「嚇到呆晒」。

樓主又稱，該名港媽上車後又大聲講電話，指自己被人欺負，

話自己比衰人蝦，搭巴士打尖比人鬧，應該行路先啱...又對個仔講：下次排隊要小心呀，會比冇禮貌嘅衰人話㗎～

樓主慨嘆，

其實排排下隊之後走開十分鐘仲叫排隊咩？咁樣嘅人教小朋友真係好恐怖...

貼文一出引起網民熱議，有網民直斥該名港媽厚顏無恥不懂身教，「真係教壞兒子！」亦有網民稱，遇到相同經歷；更有網民憤慨稱，若遇到這樣的事，一定直接罵不守規矩的乘客，「唔出聲只會助長呢類人以後繼續打尖，你大大聲話佢打尖，等其他人都聽到，瘀既係佢自己，佢都唔要面，所以唔洗俾面佢。」